RU

Атамбаев: Досым президент болып сайлануы мүмкін

Қырғызстан президенті Алмазбек Атамбаев күздегі президенттік сайлаудан соң өзінің жақтастары билік басында қалады деп үміттенеді деп жазады centralasian.org.

28 тамызда Өзген қаласының тұрғындарымен кездескен Атамбаев президентікке үміткер Сооронбай Жээнбековті "досым" деп, ал жаңадан тағайындалған премьер-министр Сапар Исаковты "өзім тәрбиелеген жас жігіт" деп сипаттады.

"Досымның президент болып сайлануы мүмкін. Өзім тәрбиелеген жас жігіт премьер-министр болды. Үкіметке жастар келіп жатыр. Олар мен бастаған жолға түсіп, істерді соңына дейін бітіреді", - деді Атамбаев.

Тағы оқыңыздар: Өзбекстанды 25 жыл басқарған Ислам Каримов өмірінің соңғы сәтінде Құран тыңдаған

Атамбаев "бір адам бір ғана мерзім президент болады" деген конституциялық шектеуге байланысты қайта сайлауға түсе алмайды.

Былтыр желтоқсанда Атамбаев бастама көтеріп, конституцияға өзгеріс енгізу бойынша референдум ұйымдастырылған. Жаппай дауыс беру арқылы премьер-министрдің өкілеті күшейтілген.

Қырғызстандағы президенттік сайлау 15 қазанда өтеді.

Мақаланың түпнұсқасы: https://kaz.nur.kz/1601397-atambaev-dosym-prezident-bolyp-sayla.html