RU

Атырауда мұнай ұрлаумен айналысқан әйгілі қылмыстық топ қолға түсті

Мұнай өнімдерін ұрлаумен айналысқан тағы бір қылмыстық топ қолға түсті. Бұл жолы олар Атырауда ұсталған.

Олар Теңіз кен орнынан ұрланған дизель отынын өзге компанияларға заңсыз сатуды жолға қойыпты. Ұрлықты бірлесе кәсіп етіп, пайда тауып келгендердің ұзын саны оншақты болғанымен, сұғанақтардың әзірге екеуі ғана ұсталған.

Күдіктілерден жалпы көлемі 200 тонна болатын мұнай өнімдері тәркіленген. Сондай-ақ, олардың заңға қайшы әрекет еткенін дәлелдейтін түрлі құжаттар да табылыпты.

Тағы оқыңыздар: Петровпалдағы әскери институтта оңтүстіктен келген сарбазды пышақтап өлтірді

Айта кетейік, мұнай ұрлаумен айналысқан қылмыстық топтар бұған дейін Ақтөбе және Қызылорда облыстарында ұсталған болатын.

Мақаланың түпнұсқасы: https://kaz.nur.kz/1611099-atyrauda-munay-urlaumen-aynalysqan.html