RU

Солтүстік Корея Жапония мен АҚШ-ты "жер бетінен жоқ қылатынын" мәлімдеді

Солтүстік Корея БҰҰ Қауіпсіздік Кеңесінің резолюциясын қолдағаны үшін ядролық қарумен Жапонияны "суға батырып", АҚШ-тың "күлін көкке ұшырамыз" деп тағы да сес көрсетті. Бұл туралы centralasian.org жазады.

Солтүстік Кореяны насихаттаумен айналысатын Кореялық Азиялық -Тынық мұхит комитеті БҰҰ Қауіпсіздік кеңесін "зұлымдық күші" деп таратуға шақырды.

Онда сонымен бірге "Жапонияның төрт аралы суға батуы тиіс. Бұл ел біздің жанымызда өмір сүруге тиісті емес" делінген.

Тағы оқыңыздар: Назарбаев: Президенттің жұмысы жарлыққа қол қою ғана емес

3 қыркүйекте Солтүстік Корея алтыншы, ең күшті ядролық сынақ өткізгеннен кейін Солтүстік Азиядағы жағдай шиеленісе түсті. БҰҰ-ның Қауіпсіздік кеңесі АҚШ әзірлеген резолюцияны бір ауыздан қабылдады. Онда Солтүстік Кореядан тоқыма экспортына тыйым салынады. Сонымен бірге бұл елге мұнай өнімдерін жеткізуді қысқартады.

Чучхе – бұл Солтүстік Кореяның басқарушы идеологиясы. Мұны КХДР негізін қалаған Ким Ир Сен ойлап тапқан. Ол қазіргі лидер Ким Чен Ынның атасы.

Мақаланың түпнұсқасы: https://kaz.nur.kz/1618686-soltustik-koreya-zhaponiya-men-aqsh-ty-zher.html