RU

Досым Сәтпаев: ЭКСПО-ның арқасында қарапайым халық Астананы көріп қалды

"ЭКСПО – бұл өте қымбат, әрі өте бай жоба, алайда ол қазақстандық шынайылыққа сәйкес келмейді" деген сенімде Досым Сәтпаев. Белгілі саясаттанушы аяқталғанына бір апта да уақыт болмаған үлкен жоба жайында Sputnik Қазақстан тілшілеріне өз пікірімен бөлісті.

Ол өзінің ЭКСПО көрмесіне қатысты сынын айта келе, бұл жобаның жақсы жақтарын да көрсете білді.

— Сіз үшін ЭКСПО қандай қуаныш әкелді?

— Ең алдымен, ешқандай күрделі апаттық жағдай орын алмай, техникалық жағынан ақаулардың болмағаны басты қуаныш болып табылады.

— Неден көңіліңіз қалды?

— Басқалар ойлағандай, бұдан да жаман болуы мүмкін деген пікірден бастау керек. Ұйымдастырушылық тарапынан қарағанда, жақсы іс-шара болды.

Айта кететін жайт, біздегі ЭКСПО басты емес, аралық көрме болды. Ал Қазақстан бұл жобаны басты ЭКСПО сипатында өткізді.

Тағы оқыңыздар: Лукашенко ауа райын дәл айтпағаны үшін синоптиктерді жұмыстан қумақ

Өзіңіз қараңыз, көрмені өткізу уақытында Астанада бірқатар ресми оқиғалар – саммиттер, конференциялар, мемлекет басшыларының кездесулері болды. Олардың барлығы дерлік жоғары шенді адамдардың, ірі бизнес компаниялары өкілдерінің көрмені тамашалауымен бірге жүрді. Бұл ретте елдегі билік ЭКСПО көрмесі арқылы ел экономикасының дамуын әлемге паш ете білді.

— ЭКСПО көрмесінің қандай жақсы жақтары болды?

— Ең бірінші ерекше айтатын жақсы жағы – ішкі туризм дамыды. Көрменің арқасында көптеген қазақстандықтар Астанаға келді.

Екінші жақсы жағдай, ЭКСПО көрмесін тамашалауға келіп, технологиялық жаңалықтарды тамашалаған мыңдаған балалардың ішінен біраз уақыттан кейін қазақстандық инженерлер, өзіміздің Билл Гейтстар, Стив Джобстар, Илон Масктар шығуы ықтимал.

Танымдық әсер жағынан қарайтын болсақ, көптеген балалар мен жастар Қазақстаннан тыс еш жерге шықпаған. Олардың көбі шетелдік павильондарды барып, шетелдіктерді көріп, олардың мәдениетімен танысу мүмкіндігіне ие болды. Менің ойымша, олардың көзқарастары біршама дамыды.

Мақаланың түпнұсқасы: https://kaz.nur.kz/1619101-dosym-satpaev-ekspo-nynh-arqasynda-khal.html