RU

Дін істері министрі: Басқа ұстанымдағыларды айыптауға болмайды

Дін – әрбір адамның жеке ісі, ол саясиланбауы және заңдарды ауыстырмауы керек. Сондай-ақ зайырлылық атеизм емес екенін түсінген жөн. Бұл туралы Парламент мәжілісіндегі үкімет отырысында Дін істері және азаматтық қоғам министрі Нұрлан Ермекбаев мәлімдеді деп хабарлайды Baq.kz.

Министр мемлекет діни бірлестіктерге қоғамның рухани мәселелерін шешуде сенімді әріптес ретінде арқа сүйейтінін нақты айтты. Оның пікірінше, бұған бірнеше шарттар бар.

Атап айтқанда, біріншіден, дін – әрбір адамның жеке ісі, ол саясиланбауы және заңдарды ауыстырмауы керек. Екіншіден, дін рухани құндылықтарға баса назар аударып, басқа ұстанымдағыларды айыптап, кінәламауы керек.

Адамдар зайырлы демократиялық мемлекеттің орнына ортағасырлық тәртіп орнап, аласапыран болуы мүмкін деп алаңдайды. Бұндай процестер бірқатар елде болған.

Тағы оқыңыздар: Ақтөбеде қорқынышты киноның бетпердесін кигендер кәсіпкерді тонап кеткен

«Егер біз бүгін зайырлы дәстүрлерімізді жоғалтсақ, азаматтарымыздың үміт отын сөндіреміз. Бұл ретте, зайырлылық атеизм емес екенін де түсіну маңызды», - деді Нұрлан Ермекбаев.

Қазақстанда 3 693 діни бірлестік жұмыс істейді. Олар 18 конфессияны құрайды.

Осы орайда, ведомство басшысы діни бірлестіктермен бірге еңсеретін бірқатар сын-қатер бар екенін айтты. Олар – діни мәдениеттің дұрыс қалыптасуы, діни догмаларды сыни қабылдау және діни аудиториямызға сыртқы теріс әсерлердің ықпалын азайту.

Мақаланың түпнұсқасы: https://kaz.nur.kz/1622815-din-isteri-ministri-basqa-ustanymdagh.html