RU

Шымкентте медбике шетінеген шақалақтың мүрдесін қалай ауыстырып қойғанын түсіндірді

Шымкентте шетінеген шақалақтың мүрдесін ауыстырып жіберген медицина қызметкерлері жазаға тартылды деп хабарлайды КТК арнасы.

Сұмдық жағдай тамыз айында Шымкенттегі 4-ші периниталдық орталықта болған еді. Ол кезде 20 күн ғана өмір сүріп жан тапсырған ер баланың орнына ақ халаттылар шала туған қыз баланың мүрдесін беріп жіберген болатын. Бір айға жуық тексерген медицина басшылары мекеменің бірнеше қызметкерін кінәлі деп тапқан.

Медбикелердің бірі мүрде оралған орамалды ашуға қорыққанынан туыстарына қарамай-ақ бере салған болып шықты. Медбикенің өзі артынша жұмыстан қуылса, қол астындағы қызметкердің қорқақтығы үшін мекеменің бас акушері мен балаға қараған мейірбике де жұмыстан кеткен.

Тағы оқыңыздар: Канадада қаза тапқан қазақ жігітінің мәйітін жақындары еліне қайтара алмай отыр

Сондай-ақ, неонатология бөлімінің басшысы мен емдеуші-дәрігер де қызметінен айырылды. Ал, перзентхананың бас дәрігері болса жұмысқа бас-көз бола алмағаны үшін екі орынбасарына әкімшілік шара қолдану туралы шешім шығарған.

Мақаланың түпнұсқасы: https://kaz.nur.kz/1624331-shymkentte-medbike-shetinegen-shaqalaq.html