RU

Көрікті арудың басы үшін бір млн доллар сыйақы тағайындалды

Даниядағы колледжде оқыған 23 жастағы Джоанна Паланидің басы үшін бір млн доллар сыйақы тағайындалған. Бұл туралы NUR.KZ порталы lemurov.net сайтына сілтеме жасап хабарлайды.

Бойжеткен бір қарағанда әлсіз адам секілді көрінгенімен, бүгінгі күнге дейін Ислам мемлекетінің жүзден астам жауынгерін өлтіріп үлгерген.

Тағы оқыңыздар: Үнемі қалтада ақша жүру үшін қандай амалдар жасау керек?

Босқындар лагерінде дүниеге келген ару жасы онға жетпей жатып қару қолдануды үйренеді. Кейін ол Даниядағы колледжге оқуға түскенімен, көп ұзамай Сирияға аттануға бел буады.

Джоанна әйелдер құқы үшін күресіп, Сирия тұрғындарын құлдықтан құтқаруға атсалысқан. Джоаннаның мамандығы – снайпер. Палани кей кездері тоғыз күн бойы соғыс алаңында жүргенін есіне алды.

Тағы оқыңыздар: Алматы халқы бұрынғы премьер-министр Ұзақбай Қарамановпен қоштасып жатыр (фото)

Дания билігі Паланиге елден шығуға тыйым салған. Соған қарамастан, бойжеткен Катарға кетіп қалады. Қайтып оралғанда одан құжатын тартып алып, үш аптаға түрмеге қамаған.

Ел заңы бойынша ол ұзақ уақытқа түрмеге тоғытылуы тиіс болатын. Алайда билік рақымшылық танытып, оны мейрам қарсаңында үйіне жіберді.

Мақаланың түпнұсқасы: https://kaz.nur.kz/1629792-korikti-arudynh-basy-ushin-1-mln-dollar-sy.html