RU

Қар ерте түседі: Синоптиктер алдағы қыс қандай болатынын айтты

Мамандардың болжамы бойынша, биыл қыс ерте түседі. Бірақ былтырғы жылдан қатты болады деп болжанып отырған жоқ. Климаттық нормадан 1-2 градус қана төмен болады деп хабарлайды Sputnik Қазақстан.

"Желтоқсанда еліміздің шығыс бөлігінде арктикалық теңіз аудандарынан жиі келетін суық ауа массасына байланысты күн суық әрі қар мол жауады деп болжанып отыр. Есесіне еліміздің батыс өңірінде күн жылы және қар аз жауады", — деп хабарлады орталық коммуникациялар қызметінде өткен баспасөз мәслихатында "Қазгидромет" РМК ауа райының ұзақ мерзімді болжамдар басқармасының басшысы Гүлмира Ақышева.

Ал қаңтар айы қытымыр аязымен тосын мінез танытады. Синоптиктердің болжамы бойынша, бұл кезде еліміздің басым бөлігінде ауаның орташа айлық температурасы климаттық нормадан 1-2 градус төмен және қар аз жауады.

"Есесіне еліміздің батыс және қиыр оңтүстігінде ауа райы жұмсағырақ болады және жауатын қардың мөлшері еліміздің батысында және оңтүстік, оңтүстік-шығыс және шығыс өңірлерінің таулы аймақтарында нормаға жуық болады" – деді ол.

Қыстың үшінші айы ақпанда қар мол жауады. Жел күшейіп, боран соғады деп болжанып отыр.

"Бұл кезде еліміздің солтүстік-батыс бөлігінде ультраполярлық суық ауа массаларының енуіне байланысты күн суық, ауа температурасы 1-2 градусқа климаттық нормадан төмен болады. Ал еліміздің оңтүстік-шығыс бөлігінде оңтүстік циклондардың келуіне байланысты ауа райы жұмсағырақ болады және қар мол жауады", — деді Ақышева.

Тағы оқыңыздар: 

Аты әлемге әйгілі Месси үшінші баланың әкесі атанбақшы

Моңғолияның ең сұлу қызы өз елін әлемге қалай танытты? (видео)

Апатқа ұшырамауды ойлаған жүргізуші көлігімен ағашқа ілініп қалды (видео)

Қайрат Нұртас: Анам екеуміз Жұлдыздың арманын орындау үшін киноға түсірдік

Ақтөбеде мұғалімдермен төбелесетін тентек баланың дамуында ауытқушылық болуы мүмкін

Мақаланың түпнұсқасы: https://kaz.nur.kz/1648956-qar-erte-tusedi-sinoptikter-aldaghy-qy.html