RU

Қазақ футболшылары Мессимен бірге доп тебу үшін қанша ақша құртады?

Осы аптада Қазақстан құрамасының әлемдегі ең мықты футбол ұжымдардың бірі Аргентина құрамасымен қараша айында жолдастық кездесу өткізуі мүмкін деген әңгіме шыққан еді. Бірақ кейіннен бұл ақпарат расталмады. Ал бүгін Аргентина құрамасының жолдастық кездесу үшін қанша сыйақы сұрайтыны белгілі болды.

Өткен аптада Қазақстан футбол федерациясының спорттық директоры Игорь Утробин Vesti.kz порталының тілшісіне Аргентина федерациясымен жолдастық кездесу өткізу үшін келіссөз жүргізіп жатқанын айтқан болатын.

Нақтырақ айтсақ, ол - "Біз Аргентина федерациясының өкілдерімен келіссөз жүргізіп жатырмыз. Әрине, бұл қиын процесс. Оның үстіне 14 қарашаға дейін аз уақыт қалды. Қазіргі уақытта келіссөздердің қаржылық тұсын шешу керек. Жалпы соманың 40 пайызын федерацияның өзі төлеуге дайын. Қалған 60 пайызын төлеу үшін демеушілер қарастырып жатырмыз", - деп еді.

Кейіннен Аргентина құрамасымен Әзірбайжанның да келіссөз жүргізгені белгілі болып, кездесуден бас тартқаны анықталды. Ал бүгін, 26 қазан күні екі дүркін әлем чемпиондарымен қараша айында Украина құрамасының да кездесуден бас тартқаны белгілі болды.

FootballHub порталының таратқан мәліметі бойынша, екі елдің футбол федерациялары жолдастық кездесу өткізу туралы келіссөз жүргізіпті. Бірақ аргентиналықтар бұл ойын үшін бір миллион доллар талап еткен. Осыдан кейін Украинаның футбол федерациясы да кездесуден бас тартқан.

Еске салайық, Аргентина құрамасы 11 қараша күні Мәскеудегі "Лужники" стадионында Ресей құрамасымен, ал 14 қараша күні Краснодар қаласында Нигерия құрамасымен жолдастық кездесу өткізеді.

Тағы оқыңыздар:

Тілі үш келіге дейін өскен аюдың күн көрісі қиындап кетті (фото)

20 мың долларын сарп еткен қырғыз қызы "Әлем Аруы" байқауына өтпей қалды

Тәнін жаман рухтардан тазартпақ болған ер адам өзін тірідей пісіріп тастады (видео)

Ішіне жын кірген адамдарды емдейтін ақтөбелік имам әруақтарға сенетінін ашып айтты

Бұрынғы ресейлік офицер кредиттен құтылу үшін "Ислам мемлекеті" сапына өтіп кеткен

Мақаланың түпнұсқасы: https://kaz.nur.kz/1658588-qazaqstandyq-futbolshylar-messimen-b.html