RU

2018 жылдың 1 қаңтарынан бастап зейнетақы көбейеді

Жаңа жылдың 1 қаңтарынан бастап елімізде зейнетақы көбейеді. Бұл туралы NUR.KZ порталы Sputnik Қазақстанға сілтеме жасап хабарлайды.

2017 жылы зейнетақының мөлшері 20 пайызға артқан. Енді келесі зейнетақы көлемі 2018 жылдың қаңтарынан бастап өседі дейді Еңбек және халықты әлеуметтік қорғау министрлігінің баспасөз қызметі.

"Жасына және ұзақ мерзімді қызмет бойынша зейнетақы төлемдерінің мөлшері сегіз пайызға артады. Бұл өзгерістер екі миллионнан астам зейнеткерге, яғни бүгінгі күні зейнетақы алатын әрбір адамға қатысы бар", — деп жазылған хабарламада.

Бұдан басқа, 2018 жылдың 1 шілдесінен бастап зейнетақы жүйесіне қатысу ұзақтығына байланысты жаңа әдіске сәйкес базалық зейнетақы тағайындалады.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98

Мақаланың түпнұсқасы: https://kaz.nur.kz/1709704-2018-zyldy-1-katarynan-bastap-zejnetaky-kbejedi.html