Top.Mail.Ru

Сайт нұсқасы

ru kz

Зектілері

Вице-министр мұғалімдердің жалақысы қалай өсетінін түсіндірді

Опубликовано:

Білім және ғылым вице-министрі Бибігүл Асылова алдағы жылдары мұғалімдердің жалақысы қалай өсетінін мәлімдеді деп хабарлайды Sputnik Қазақстанға сілтеме жасаған NUR.KZ.

Көрнекі фото: racurs.ua
Көрнекі фото: racurs.ua: UGC

Вице-министрдің сөзінше, мұғалімдердің жалақысын өсіру білім бағдарламаларының жаңартылған мазмұнына көшуге байланысты жүзеге асады.

"Осы жылдың қаңтарынан бастап 1, 2, 5 және 7 сынып мұғалімдерінің, қыркүйектен бастап 3, 6 және 8 сынып мұғалімдерінің жалақысы артады. Ал одан кейін бекітілген кестеге сәйкес 2019 жылдың қыркүйек айынан бастап 4, 9, 10 сынып, 2020 жылы 11 сынып ұстаздарының еңбекақысы көтеріледі.
Елбасы жолдауында атап өткендей, қосылатын жалақы лауазымдық еңбекақының 30 пайызын құрайды. Мәселен, қалаларда 15 жыл еңбек өтілі бар бірінші санаттағы ұстаздардың жалақысы 24 мың теңгеге өссе, дәл осындай еңбек өтілі бар ауыл мұғалімінікі 25 860 теңгеге артады", — дейді Асылова үкімет үйінде өткен баспасөз мәслихатында.

Сонымен қатар Бибігүл Асылова мұғалімдерге қосымша ақы төлеу жүйесі енгізілетінін атап өтті.

"Қосымша ақы төлеу жүйесінде ұстаздардың біліктілік деңгейі ескеріледі. Категория ұлттық біліктілік тесті арқылы беріледі. Расталған біліктілік деңгейіне байланысты жалақы 20 пайыздан 50 пайызға дейін өседі. Мысалы, егер 15 жыл еңбек өтілі бар бірінші санаттағы қала мұғалімі тест арқылы бір саты жоғары деңгейге өтсе, онда қосымша ақы 28 мың теңге, ал ауыл мұғалімі үшін 36 мың теңгені құрайды", - дейді вице-министр.

Мақаланың түпнұсқасы: https://kaz.nur.kz/society/1712050-vice-ministr-mgalimderdi-zalakysy-kalaj-setinin-tsindirdi/

pixel