RU

Латын әліпбиі туралы жазған блогерлер миллиондап ақша алатын болды

Қазақстан электронды үкіметінің сайтында 2025 жылға дейін қазақ тілін латын әліпбиіне кезең-кезеңімен көшіру бойынша іс-шаралар жоспарының жобасы жарияланды.

Латын әліпбиі туралы жазған блогерлер миллиондап ақша алатын болды
Латын әліпбиі туралы жазған блогерлер миллиондап ақша алатын болды: UGC

Құжатқа сәйкес, латын қарпіне көшу үш кезең бойынша өтеді:

  • бірінші — 2018-2020 жылдар;
  • екінші — 2021-2023 жылдар;
  • үшінші — 2024-2025 жылдар

Әлеуметтік желілерде блогерлерді тарту жолымен түсіндіру жұмыстарын жүргізуге 462 миллион 600 мың теңге жұмсау жоспарланған. Оған Қазақстан Республикасы Мәдениет және спорт министрлігі жауапты болады.

Қазақ тілін латын әліпбиіне көшіру бойынша түсіндіру жұмыстарын жүргізу үшін видеоблоктар әзірлеуге 168 миллион теңге бөлінбек. Сондай-ақ осы тақырыпта материалдар жариялауға маманданған журналистер пулы жасақталады деп жоспарлануда, алайда оған қаржы қарастырылмаған.

Жоспарды ашық талқылау осы жылдың 30 қаңтарына дейін созылады.

Мақаланың түпнұсқасы: https://kaz.nur.kz/1712485-latyn-lipbii-turaly-zazgan-blogerler-milliondap-aksa-alatyn-boldy.html