Орал қаласында сатылған арзан бағадағы етке тұрғындар таласып қалды (видео)

Орал қаласында өткен жәрмеңке уақытында арзан бағадағы ет бір сағат көлемінде таусылып қалған. Саудагерлер 31 ірі қараның еті мен 4 бірдей жылқының тұтас етін сатқан деп хабарлайды «Мой город» сайтына сілтеме жасаған NUR.KZ.

Қаланың төрт ауданынан келген фермерлер тұтастай 31 ірі қара мен 4 жылқының етін саудаға салған. Олар бір келі сиыр етін – 1300 теңгеге бағаласа, жылқы етінің бағасы – 1400 теңге болған.

Алайда көрсетілген ет бірден саудаға түсіп, бір сағат көлемінде сатылып кеткен. Олар қосымша ет алдыруға мәжбүр болған.

Сондай-ақ жәрмеңке барысында тауық, балық пен жұмыртқаға ұсыныс көп түскен.