Қазақ тойындағы ұятсыз ойындар жаға ұстатты (видео)

Асабалардың той үстінде ойнататын ұятсыз ойындары жиі талқыға түсіп жүр. Ұятты ысырып қойған бұндай ойындар жайлы NUR.KZ порталы хабарлайды.

Тойды қызықты өткіземін деп асыра сілтейтін асабалардың бұндай әрекетін халық сынаудан шаршады. Қырықтың қырқасына шықса да, ата сақалы аузына түссе де ортада асабаның дегенін жасап, жас балаша құтырғандар саны қазір едәуір артқан. Мұндай масқараны көрген той қонақтары оқиғаны міндетті түрде видеоға түсіріп, желіге таратуды үдеріске айналдырып алды.

• «Шар жару» ойыны. Бұл ойында әйел адамның кеудесіне, бөксесіне, ішіне қойылған шарларды ер адам қол тигізбей жару керек. Немесе керісінше, ер адамның алдына қойылған шардың үстіне әйел отырып, құйрығымен жару керек.

• Тойдағы би жарыс. Еңбектеген баладан еңкейген жасқа дейін жұлқына билеген видеолар желіде үздіксіз тарауда.

• Сондай-ақ той үстіне жігіттің достары "стрептиз" бишілерін шақыруды да әдетке айналдырған.

• Бойжеткендердің қалыңдық лақтырған гүлге таласуы.