RU

Аргентиналық чемпион өзінен "қашып жүрген" Қанат Исламға өкпесін айтты

Аргентиналық Periodismo UNLP басылымының журналисі Виктор Оливера қазақстандық боксшы Қанат Исламның чемпиондық жекпе-жектен қашып жүргеніне наразы деп хабарлайды prosports.kz-ке сілтеме жасаған NUR.KZ.

Қанат Ислам
Қанат Ислам: UGC
"Қанат Ислам Брайан Кастаньомен (аргентиналық боксшы, бірінші орта салмақта WBA чемпионы) жұдырықтаспауды жөн көріпті. Қандай өкінішті. Қазақтың есімі танымал болмаса да, бұл бокс үшін бәсекелеске толы жекпе-жек болар еді. Ол бұл жекпе-жектен қашып жүргені сөзсіз", - деп жазды Оливера твиттерде.

Айта кетейік, Қанат Ислам соңғы рет былтыр қыркүйекте Астанада жекпе-жек өткізген болатын. Сол кезде канадалық Брэндон Кукты тоғызыншы раундта техникалық нокаутпен ұтқан еді.

Бұған дейін америкалық боксшы Джон Вераның командасы Қанат Исламды жекпе-жектен қашты деп айыптаған болатын.

Мақаланың түпнұсқасы: https://kaz.nur.kz/1721880-argentinalyk-cempion-zinen-kasyp-zrgen-kanat-islamga-kpesin-ajtty.html