RU
Аружан Сайын "зорланған" жеті жасар баланың анасы туралы айтып берді
Жаңалықтар Қоғам

Аружан Сайын "зорланған" жеті жасар баланың анасы туралы айтып берді

Рассказать Вконтакте

Қоғам белсендісі Аружан Сайын көпшілікті алаңдатқан 7 жасар баланың анасымен кездескенін айтты деп хабарлайды Sputnik Қазақстан. агенттігіне сілтеме жасаған NUR.KZ.

Аружан Сайын

Аружан Сайын
Source: UGC

"Кеше біз анасымен кездестік, ол біздің көзімізше туыстарының бәріне хабарласты. Бірақ олардың телефоны сөндірулі. Кейін баланың әжесінің рахмет айтқан видеосы шықты. Бірақ әйел онда айтылған сөздерге сенбейтінін айтты", — деді Аружан Сайын Алматыда өткен баспасөз мәслихатында.

Оның айтуынша, баланың анасы Астанаға бара жатыр немесе жетіп те қалған болуы керек. Оның жалғыз талабы – әділ тергеу.

"Баланың анасы отбасының жалғыз асыраушысы. Олар, шын мәнінде, оралмандар. Өкінішке қарай, әжесі жұмысқа орналаса алмаған. Отбасында мүгедек адам бар. Әйел "менің сауатым аз, сегізінші сыныптан жұмыс істеп келе жатырмын, дәретхана, ыдыс-аяқ жудым" деп шындығын айтып отыр. Қазір ол қоғамдық тамақтану бойынша кәсіпті игеріп, жақсы маман болып, ақша тауып жүр", — деп Аружан Сайын баланың анасы туралы айтып берді.

Ал бұл істі өз назарына алған омбудсмен Зағипа Балиева бүгін Астанада өткізген баспасөз мәслихатында БАҚ өкілдеріне анасымен хабарласқанын айтты.

"Олардың айтуынша, анасы Алматыда жұмыс істейді. Бала бір ай бойы анасын көрмеген. Ол анасын сағынып жүр, күнде ол туралы сұрайды. Біз бірнеше рет анасына хабарластық, Астанаға келуі үшін барлығын жасағымыз келеді, алайда әзірге бұл мүмкін болмай отыр", — деді ол.

Балиеваның айтуынша, ол әйелдің байланыс телефонын тек бірнеше күннен кейін ғана тапқан.

"Өзімді таныстырып, балаға көмектескіміз келетінін, оның қасында болу үшін Астанаға келе алатынын айттым. Алайда ол "менде ақша жоқ" деді. Біз одан "билетті сатып алып береміз, тек келсеңіз болды" деп өтіндік. Одан кейін онымен хабарласа алмадық, бұл соңғы әңгімеміз болды", — деді Балиева.

Еске салып өтсек, бірнеше күн бұрын отандық БАҚ бетінде "Абай ауылындағы мектептердің бірінде 7 жасар баланы жоғары сынып оқушылары бірнеше рет зорлаған" деген ақпарат тараған еді.

Сарыағаш ауданына қарасты Абай ауылында бар-жоғы бірінші сыныпта оқитын кішкентай оқушыны өзінен 7-8 жас үлкен 4 оқушы 5 ай бойы зорлап келген көрінеді. Жәбір көрдім деген бала бұл туралы туыстарына былтыр тамыз айында айтқан екен. Содан бері полицейлерге неше мәрте барғанымен тәртіп сақшылары шағымды тек қаңтар айында қабылдапты.

Алайда сот-медициналық сараптама қорытындысы бірінші сынып оқушысына сексуалды сипаттағы зорлық-зомбылық жасалғанын теріске шығарды.

Бала құқықтары жөніндегі уәкіл Зағипа Балиева Шымкент қаласына барып, 7 жасар бүлдіршінді әжесімен бірге Астанаға алып келді. Қазір баланың жағдайы жақсы, онымен психологтар жұмыс істеп жатыр.

Кеше ОҚО әкімі Жансейіт Түймебаев Сарыағаш ауданы, Абай ауылындағы мектепте болған келеңсіз жағдайға байланысты жауапты тұлғаларға шара қолданды. Атап айтсақ, облыс әкімінің орынбасары Сәдібековке қатаң ескерту берілді. Сондай-ақ, Сарыағаш аудандық жергілікті полиция қызметі басшысы О.Бердалы мен Сарыағаш ауданы, Абай ауылдық жергілікті полиция бөлімшесінің басшысы Ә.Ибрагимов, ювеналды полиция бөлімшесінің №73, №74 жалпы орта мектептеріне жауапты полиция инспекторы Қ.Сәриев қызметінен босатылды.

Сіздің реакцияңыз
3
1
7
11
2
5
1
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel