Өзі продюсер, өзі актер: Кино әлемінде жүрген отандық жұлдыздар кімдер?

Жыл санап қазақ кино қоржыны түрлі жанрдағы фильмдермен тола түсуде. Отандық кино-жұлдыздардың арасында әрі продюссер, әрі актер болып жүргендер кімдер? NUR.KZ порталы өз оқырмандары үшін арнайы шолу жасады.

Нұртас Адамбай – «Келинка Сабина», «Келинка Сабина 2», «Тараз» фильмдерінің продюссері әрі басты рөлді сомдаған актер. Өнердегі жолын КВН ойнаудан бастаған талантты актер соңғы рет «Я – жених» фильмінде ойнады.

Нұрлан Қоянбаев – соңғы уақыттары рейтингі жоғары болып саналатын комедия жанрындағы үш бірдей фильмнің продюссері. Нұрланның бүгінде «Бизнес по-казахски», «Бизнес по-казахски в Америке», «Каникулы в Тайланде» сияқты комедиялары бар.

Әсел Сәдуақасова – алдымен актриса, содан соң продюссер ретінде өзін жақсы көрсетіп келе жатқан Әсел «Замуж в 30», «Келинка тоже человек», «Пять причин не влюбиться в казаха» және соңғы шыққан «Класстастар» фильмдерінің басты образдағы актрисасы әрі продюссері. Әселдің айтуынша бұл оның өз қалауы әрі режиссерларға қоятын басты талабы екен.

Құралай Анарбекова – 2017 жылы рекодты көрсеткіш қол жеткізген атақты «Брат или брак» комедиясының продюссері мен басты рөлді сомдаушысы. Бұл Құралайдың продюссер ретінде алғашқы жұмысы болды, дегенмен кино өз көрерменін тапты.

Баян Алагөзова – атышулы Баян соңғы туындысы «Сиситай» мюзиклында басты рөлде өзі ойнады. Айта кетейік, кино қазір барлық кинотеатрларда көрсетіліп жатыр.

Азамат Сатыбалды – осыдан бірнеше жыл бұрын атышулы Айжан Байзақовамен бірге жеке өзі продюссерлік еткен «Бір сен үшін» фильмінде басты рөлді сомдады. Алайда Азамат осыдан кейін кино түсірмеді.