Атырау облысында құтқарушылар мұз астына түсіп кеткен 4 баланы ажалдан аман алып қалды деп хабарлайды «ҚазАқпарат» агенттігіне сілтеме жасаған NUR.KZ.
"16 наурызда Құрманғазы ауданы аумағында Шора өзенінде 4 бала мұз астына түсіп кетті деген хабар түсті. Қайғылы оқиға балалардың тентектігі салдарынан болған. Мектеп оқушылары (үш бала мен 1 қыз) өзеннің қарсы бетіне шығып, мұз үстінде ойнаған. Кенеттен мұз ойылып балалардың бірі батып кеткен, артынша қалғандары да ойыққа түсіп кетті", - делінген Батыс өңірлік аэромобильдік жедел-құтқару жасағының хабарламасында.
Батыс өңірлік аэромобильдік жедел-құтқару жасағы Құрманғазы аудандық құтқарушыларының және Құрманғазы ауданы ТЖБ мамандарының арқасында балалар ажалдан аман қалды.
Мақаланың түпнұсқасы: https://kaz.nur.kz/1722065-atyrau-oblysynda-ojnap-zrgen-trt-bala-mz-astyna-tsip-ketti.html
