RU
Туған анасын 10 жыл бойы іздеген бойжеткен оны желі арқылы тапты (фото)
Жаңалықтар Әлемде

Туған анасын 10 жыл бойы іздеген бойжеткен оны желі арқылы тапты (фото)

Рассказать Вконтакте

22 жастағы малайзиялық Аю Разак биологиялық анасын табу үшін 10 жылын сарп еткен. Алайда іздеу шаралары ешқандай нәтиже бермегеннен кейін амалы таусылған бойжеткен анасының суретін Twitter желісінде жариялайды. Ал бір тәулік өтпей жатып, ол әйелмен байланысуға мүмкіндік алған деп хабарлайды life.ru-ға сілтеме жасаған NUR.KZ.

Фото: life.ru

Фото: life.ru

Аю өзінің асыранды қыз екенін 12 жасында біледі. Осыдан бастап бойжеткен туған анасымен кездесуді армандап, оны іздей бастайды. Ол өзін өмірге әкелген әйелдің жұмыс орнын, атын білсе де, тіпті қолында анасының суреті болса да 10 жыл бойы таба алмаған.

Сөйтіп, амалы таусылған бойжеткен қолында бар ақпарат пен анасының фотосын Twitter желісінде жариялап жібереді.

Желіде таралған хабарламада Аю анасының есімі Сити Розани екенін, ол Сандакан қаласында тұратынын, биыл жазда тұрмысқа шығатынын, тойында өзінің туған анасын да көргісі келетінін жазады.

Фото: life.ru

Фото: life.ru

Желі қолданушыларын қыздың бұл хабарламасы бей-жай қалдырмай, олар Аюға көмектесуді ойластырады. Бойжеткеннің хабарламасымен бір тәулік ішінде 20 мың адам бөлісіп, 18 сағаттан кейін Аюдың анасы байланысқа шығып, сол күні қызы мен анасы қауышады.

Белгілі болғандай Аю дүниеге келгенде Ситидің бірнеше баласы болған. Әйел қызын асырай алмайтынын біліп, оны басқа әйелге беруге мәжбүр болады.

Аюдың сөзінше, ол өзін қазір бақытты адам сезінеді. Себебі оның екі анасы бар. Аю екі әйелді де өз тойына шақырған. Сонымен қатар бойжеткен қуанышты күніне өзі өмірі көрмеген туған бес ағасы мен сіңілдері де келеді деген үмітте.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
1
2
2
9
18
2
Спасибо за Ваше мнение Вы уже голосовали
Тағы да оқыңыздар
Пікір