RU

Қазақстанның барлық өңірінде дауылдық ескерту жарияланды

"Қазгидромет" РМК Қазақстан барлық өңіріде алдағы үш күнге дауылдық ескерту жарияланды деп хабарлайды NUR.KZ.

Иллюстрациялық фото webd.pl сайтынан алынды
Иллюстрациялық фото webd.pl сайтынан алынды: UGC

Синоптиктердің мәліметінше, 19 наурызда күндіз Ақмола облысында жауын-шашын (қар, жаңбыр), көктайғақ болып, бұрқасындатады. Оңтүстік-батыстан соққан жел солтүстік-батысқа ауысады, түнде кей жерлерде күші 15-20 м/с, күндіз басым бөлігінді 15-20 м/с, екпіні 23-28 м/с жетеді.

Астана қаласында 19 наурызда күндіз және таңертең жауын-шашын (қар, жаңбыр), көктайғақ болып, бұрқасындатады. Оңтүстік-батыстан соққан жел солтүстік-батысқа ауысады, күндіз және таңертең күші 15-20 м/с, екпіні 25 м/с жетеді. Дабылды ескертудің ықтималдылығы 90-95 пайыз.

19-21 наурызда Батыс Қазақстан, Атырау, Ақтөбе облыстарында жауын-шашын (көбіне жаңбыр) мен ауа температурасының жылынуына байланысты қар еріп, су деңгейі көтерілуі мүмкін.

19-20 наурызда Қарағанды, Ақмола, Солтүстік Қазақстан, Қостанай және Павлодар облыстарында жауын-шашын (көбіне жаңбыр) мен ауа температурасының жылынуына байланысты қар еріп, су деңгейі көтерілуі мүмкін.

19-21 наурызда Шығыс Қазақстан облысында күндізгі ауа температурасы біртіндеп жылынып, жауын-шашын түсуіне байланысты (көбіне жаңбыр), мұздықтар әлсіреп, су өзен алқаптарына шығып кетуі ықтимал, жергілікті және беткейлі ағын қалыптасып, су деңгейі көтеріледі деп болжануда.

19-21 наурызда Оңтүстік Қазақстан, Қызылорда облыстарында жауын-шашын салдарынан (көбіне жаңбыр), су деңгейі көтеріліп, жайылмалы жерлерге су шығып кетуі мүмкін.

19-21 наурызда Алматы, Жамбыл облыстарында жауын-шашыннан (кей жерлерде) су деңгейі көтеріледі деп болжануда.

Мақаланың түпнұсқасы: https://kaz.nur.kz/1722151-kazakstanny-barlyk-irinde-dauyldyk-eskertu-zarialandy.html