Шымкентте ауа температурасы +20 градусқа жетіп, өрік гүлдеді

Қылышын сүйретіп қыс кеткеннен кейін Оңтүстік өңірде ауа райы күрт жылынып, ағаштар бүршік ата бастады. Ал Шымкентте күндіз +20 градусқа жеткен температураның әсерінен өрік талдары гүлдеп жатыр деп хабарлайды BNews.kz-ке сілтеме жасаған NUR.KZ.

Басылымның хабарлауынша, гүлденген, жұпар аңқыған ағаштардың жанынан жаңа бүр жарған гүлге қонған араларды көруге болады.

Ал қытымыр қыстан шаршаған қала тұрғындары мен қонақтары қабат-қабат киімдерін тастап, жеңіл киімдерге көшкен.

Сонымен қатар көктемнің сәнін енді бүршік атып келе жатқан емен ағаштары да келтіруде. Ал бір айдан кейін қалада алма, шие ағаштары гүлдейді деп күтілуде