RU

Астаналық жігіт 23 жастағы қызды 80 мың теңгеге сатып жіберген

Астанада 33 жастағы ер азамат жас қызды сексуалды құлдыққа сатып жіберген. Оған қатысты тергеу жұмыстары басталып кетті деп хабарлайды sputniknews.kz-қа сілтеме жасаған NUR.KZ.

23 жастағы бойжеткенді cексуалды құлдық үшіy 80 мың теңгеге сатып жіберген. Бұл қылмысты 33 жастағы ер азамат жалғыз өзі ғана емес, 1994-ші жылғы сыбайласымен біріге жасағаны анықталды. Бұл оқиға ҚР ҚК 128-бабы (адам саудасы) бойынша сотқа дейінгі тергеудің бірыңғай тізіміне енді.

Осыған ұқсас жағдай Алматы қаласында да орын алды. ІІМ ақпаратынша, Алматы қаласы арқылы қыздарды сексуалды құлдыққа басқа облыстарға жіберумен айналысқан бір топ қылмыскерлер тұтқынға алынған. Жастары 26 мен 45 арасында болған күдіктілерге қатысты ҚК-нің 128-бабы (адам саудасы) бойынша қылмыстық іс қозғалып, тергеу жұмыстары басталып кетті.

Ішкі істер органдарының арнайы мекемелеріне жеке басын анықтау үшін 20 адам (ҚР азаматтары – 11, ТМД елдерінің азаматтары – 9) жеткізілді.

Мақаланың түпнұсқасы: https://kaz.nur.kz/1722605-astanalyk-zigit-23-zastagy-kyzdy-80-my-tegege-satyp-zibergen.html