RU

Мереке қарсаңында Наурыз көжеге қосылатын қоспалар қымбаттап кетті

Наурыз көже биыл былтырғыдан қымбатқа түсетін түрі бар. Себебі мейрамның басты асына пайдаланатын негізгі 7 қоспаның бәрінің бағасы өскен деп хабарлайды КТК арнасына сілтеме жасаған NUR.KZ.

Мейрам қарсаңында дәнді-дақылдар, ет пен айранның саудасына сараптама жасаған мамандар осылай деп отыр.

Мысалы, тұз республика бойынша орташа есеппен 51 теңгеден сатылып жатыр. Бір жыл бұрынғы бағамен салыстырсақ 7 жарым пайызға өскен. Ұнның келісі 150 теңге. 0,4 пайызға қымбат. Наурыз көженің негізгі дәмдерінің бірі -тары да 1,3 пайызға шарықтап, 209 теңгеге жеткен.

Сүт өнімдері де қымбат. Айранның литрі 273 болса, сары майдың келісі 2 мың теңгеге жуықтапты. Еттің де бағасы ұшып тұр. Мысалы жылқы еті 7,6 пайызға, сиыр мен қойдыкі 10 пайызға дейін қымбаттаған.

Мақаланың түпнұсқасы: https://kaz.nur.kz/1722632-mereke-karsaynda-nauryz-kzege-kosylatyn-kospalar-kymbattap-ketti.html