Махаббатын еш жерден таппаған жігіт әйелдер университетіне құжат тапсырды

Қытайдағы Нинбо қаласына қарасты Чжэцзян елді мекенінің түлегі әйелдер университетіне құжат тапсырды. Ол мұндай қадамға өз махаббатын табу мақсатында барған деп хабарлайды lenta.ru-ға сілтеме жасаған NUR.KZ.

Жас жігіттің айтуынша, кілең қыздарға арналаған білім ордасына түсіп кеткен жағдайда, өзіне сай өмірлік жар табу оған анағұрлым оңай болмақ.

Алайда, қытайлық азаматтың бұл шешімін үй-іші қолдамаса керек.

«Әкем маған абай болу керектігін ескертті. Ол менің осыншама көп әйелдер кесірінен үлкен өзгеріске ұшырағанымды қаламайды», - дейді жас түлек.

Қытайдағы әйелдер университеті жылына, шамамен, мың жарым студентті қабылдаса, оның 1%-ын ер жігіттер құрайды. Оларға арнайы жатақхана мен әжетхана қарастырылған.

Қытайдың 2015 жылға дейін жұмыс істеген «бір отбасы- бір бала» саясатының кесірінен, ер жігіттер өмірлік жар таңдауда қыздардың жетіспеушілігіне тап болған.