Жағдай қиын: "Канело" мен Головкин кездесуі өтпеуі мүмкін

ESPN телеарнасының сарапшысы Дэн Рафаэль Сауль Альварестің допинг сараптама нәтижесіне қатысты пікір білдірді. Сондай-ақ, ол Геннадий Головкиннің келесі қарсыласы кім болуы мүмкін екенін айтты деп хабарлайды prosports.kz-ке сілтеме жасаған NUR.KZ.

Айта кеткен жөн, Невада штатының атлеттер комиссиясы Альвареске шаршы алаңға шығуға уақытша тыйым салды. Бұл іске қатысты соңғы шешім 10 сәуір күні қабылданады.

"Канелоның" допинг-тест нәтижесіне байланысты реванш болмай қалуы мүмкін деп алаңдап отырған жандарға айтарым бар. HBO PPV-ді жылжыту үшін сенбілік трансляциясын пайдаланбады және бұл күнді күнтізбесінде бос қалдырды. Жағдай қиын. "Канелоның" шеттетілуі жай ғана сөз дейтіндер қателеседі. Головкин мен "Канелоның»"екінші кездесуі расымен де болмауы мүмкін", - дейді Дэн Рафаэль.