RU

Еліміздің бірқатар облыстарында дабылды ескерту жарияланды

29 наурызда еліміздің бірнеше облысында дабылды ескерту жарияланды деп хабарлайды Қазгидромет.

Еліміздің бірқатар облыстарында дабылды ескерту жарияланды
Еліміздің бірқатар облыстарында дабылды ескерту жарияланды: UGC
"29 наурызда Ақмола облысының кей жерлерінде көктайғақ, жаяу бұрқасын, тұман болады. Оңтүстік, оңтүстік-батыстан жел соғады, оның күші түнде кей жерлерде 15-20 м/с, екпіні 23-28 м/с болады. Қостанай облысында кей жерлерде тәулік бойы желдің күші 15-20, екпіні 23 м/с болады, көктайғақ, тұман түседі", — деп ескертеді метеорологтар.

29-31 наурызда Қызылорда облысының кей жерлерінде оңтүстік-батыстан жел соғып, найзағай ойнайды.

29 наурызда Жамбыл облысында оңтүстік-батыстан жел соғады, кей жерлерде оның екпіні 23-28 м/с болуы ықтимал.

Тараз қаласында 29 наурызда оңтүстік-батыстан екпінді жел соғады, кей уақытта күші 23-28 м/с-қа жетеді.

Астана қаласында 29 наурызда көктайғақ, бұрқасын, тұман болады. Оңтүстік, оңтүстік-батыстан күші 15-20 м/с.жел соғады деп болжанып отыр.

Мақаланың түпнұсқасы: https://kaz.nur.kz/1723616-elimizdi-birkatar-oblystarynda-dabyldy-eskertu-zarialandy.html