RU
Ақмола облысында танымал жазушының зәулім үйі таласқа түсіп жатыр
Жаңалықтар Қоғам

Ақмола облысында танымал жазушының зәулім үйі таласқа түсіп жатыр

Рассказать Вконтакте

Бурабайда кезінде белгілі жазушы Сәкен Жүнісовке жергілікті атқамінерлер сыйға тартпақ болған 3 қабатты зәулім үйдің құрылысы аяқталмай, бүгінде тіпті қараусыз қалған. Жерлестері бұл ғимараттың мұражайға айналуын қалайды. Ол қаламгердің өзінің де арманы болған екен. Бірақ мұрагерлері де іске жаратпаған жазушының үйі қазір талан-таражға түсіп, ойраны шығуда деп хабарлайды КТК.

Ақмола облысында танымал жазушының зәулім үйі таласқа түсіп жатыр

Ақмола облысында танымал жазушының зәулім үйі таласқа түсіп жатыр

Ғимарат табиғаты тамылжыған Бурабай мен үлкен Шабақты көлін жалғап жатқан Күркіреуік өзенінің бойында орналасқан.

Әдебиеттің қай жанрында болсын көсіле қалам тербеген Сәкен Жүнісов әу баста осы жерді өзі таңдапты. Сондағы арманы – әсем жерде отырып әлі талай туындыны жазу болған.

Бұл осыдан 25 жыл бұрын қолға алынған құрылыс екен. Сол кезде облыс басшылары Бурабай баурайынан жазушыға 3 қабатты коттедж салып бермек болған. Кейіннен уәде берген басшылар ауысып, ақыры үй құрылысы аяқталмай қалыпты.

Еңселі ғимарат құрлысын содан кейінгі басшылар да бітірмек болған. Алайда бүінде талан-таражға түсіп, терезе, тақтайлары жұлынып, астан-кестеңі шыққан. Ал Сәкен Жүнісов бұл үйді о бастан-ақ жеке меншігі еткісі келмепті. Халық игілігіне жарар мұражай болуын қалаған. Бірақ 72 жасында дүние салған жазушы ол күнге жете алмады.

"Ары-бері өтіп, көріп жүреміз ғой, жүрегім ауырады. Аңғал-саңғал. Енді дәл осылай 3-4 жыл өтсе, түк те қалмайды ғой? Сұмдық қой! Сәкен ағамен біраз жылдар араластық ағалы-інідей болдық. Өзі айтты Сәкен Жүнісовтің мұражайы болғанымен, ол тек Сәкен сері емес, қазақ жазушыларының мұражайы болады деді", - дейді жазушы Толымбек Әлібекұлы.

Кезінде Сәкен сері атанған жазушының арманы әзірге орындалар емес. Табиғаты жан сүйсінтер Бурабай курортты аймағының кереметтей сұлу мүйісінде оның мұражайы тұрса, туристерге де мақтанышпен көрсетуге болар ма еді.

"Тарихи мәдени мұраны қорғау және пайдалану орталығында жұмыс істегенде осы сұрақ туындаған еді. Сол кезде шығып, осы обьектінің жағдайын көріп,әкімдікпен кездескенде белгілі болды. Оның қазіргі госактісі бар, бірақ эксплуатацияға тапсырылмаған", - дейді Ақмола облыстық тарихи өлкетану мұражайының директоры Қуаныш Шақшақов.

Ғимараттың мемлекеттік актісі Сәкен Жүнісовтың атына жазылған екен. Бірақ әділет бөлімінде тіркелмепті. Жазушының балалары мен туысқандары мұрагер ретінде осы істі жалғастыруы керек еді. Алайда Алматыда тұратын олар ғимаратты осы күнге дейін не өздері меншіктемеген, не мемлекетке тапсырмаған.

Ал қазақ әдебиетінен ойып тұрып орын алатын, артында «Ақан сері», «Аманай мен Заманай» сияқты тамаша туындыларды қалдырған қаламгердің атында "бір мұражай керек-ақ", - дейді Сәкен серінің көзін көрген қаламгерлер.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
2
0
0
3
0
1
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel