RU

Алматыда жартылай жалаңаш еркек жолдағы көліктерді қиратқан (видео)

Алматы көшелерінің бірінде жартылай жалаңаш егде жастағы еркек көліктерді шыр айналдырды. Куәгерлер оқиғаны видеоға түсіріп алған деп хабарлайды NUR.KZ порталы.

Видеодан скриншот
Видеодан скриншот: UGC

Видео Instagram желісіндегі kris_p_almaty парақшасында пайда болды.Оқиға Желтоқсан және Мақатаев көшелерінің қиылысында болған.

Видеожазбада жартылай жалаңаш еркек көліктерге секіріп, алдыңғы және жанындағы әйнектерін сындырған. Екінші видеода жүргізушілердің бірі көліктен түсіп, еркекті соққыға жығады.

Алматы қалалық ІІД мәлімдеуінше, ессіз еркек дер кезінде ұсталған.

"Әуезов ауданының тұрғыны, 1974 жылы дүниеге келген. Оқиға барысында заң бұзушы мас болған. Оның жүйке жүйесі жағдайын тексеру шаралары жүргізілетін болады", - деді ІІД баспсөз қызметі.

Мақаланың түпнұсқасы: https://kaz.nur.kz/1724110-almatyda-zartylaj-zalaas-erkek-zoldagy-klikterdi-kiratkan-video.html