Алматы облысында жаңа аудан пайда болатын болды

Нұрсұлтан Назарбаев Алматы облысы Райымбек ауданын екіге бөлу туралы жарлыққа қол қойған деп хабарлайды Ақорданың баспасөз бөліміне сілтеме жасаған NUR.KZ.

Фото: BNews.kz
Source: UGC

"Қазақстан Республикасындағы әкімшілік-аумақтық құрылыс туралы" 1993 жылғы 8 желтоқсандағы Қазақстан Республикасы Заңының 9-бабына сәйкес Қаулы етемін:

1. Алматы облысының Райымбек ауданын бөлу жолымен әкімшілік орталығы Кеген ауылында орналасқан Кеген ауданы, әкімшілік орталығы Нарынқол ауылында орналасқан Райымбек ауданы әкімшілік-аумақтық бірліктері құрылсын.

2. Қазақстан Республикасының үкіметі осы Жарлықтың 1-тармағын іске асыру жөнінде қажетті шаралар қабылдасын.

3. Осы Жарлық алғашқы ресми жарияланған күнінен бастап қолданысқа енгізіледі.