Ақтөбелік келіншекті танысы аяусыз азаптап, өлтіріп кетті

Ақтөбеде көпқабатты үйдің кіреберісінен 32 жастағы әйелдің аяусыз азапталған денесі табылды деп хабарлайды "Ақтөбе Таймс" сайтына сілтеме жасаған NUR.KZ.

Жақындарының сөзінше оны өте ауыр хәлде үйге кіреберіс жерден тапқан. Аурухананың жансақтау бөліміне жеткізілген келіншек көп өтпей қаза болыпты.

Екатеринаны өзінің таныс ер адамы аяусыз азаптаған.

«Оны аямай ұрған. Үстіне секіріп қабырғасын сындырған. Зорлағысы келген екен. Қазір ол адамды ұстады. Ер кісі қылмысын мойындады», - дейді туысы.

Полицейлер қылмыстық іс қозғаған. Алайда қылмыскер адам өлтіргені үшін емес, денсаулыққа қасақана қастандық жасағаны үшін жазаланбақ.

Белгілісі, ер адам да 32 жаста. Құрылыста жұмыс істеген.

Айта кетейік, марқұмның артында 13 жасар ұлы қалды.