RU

Геннадий Головкин: Боксқа деген қызығушылығым жоғалып барады

Жеңіліп көрмеген кәсіби-боксшы Геннадий Головкин соңғы кездері рингке сирек шығуы оның көңілін түсіретінін айтты. Жекпе-жектер тапшылығы спортшының боксқа деген қызығушылығын бәсеңдетіп жіберген деп хабарлайды Sports.kz-ке сілтеме жасаған NUR.KZ.

Фото: sports.kz
Фото: sports.kz: UGC

Головкиннің соңғы жекпе-жегі мексикалық "Канело" Альвареспен өтуі тиіс болған. Алайда 5 мамырға белгіленген реванш Альварестің екі мәрте оң нәтиже көрсеткен допинг сынағы кесірінен болмай қалды.

Қазір қазақстандық боксшының командасы оған қарсылас іздестіріп жатыр.

Головкиннің айтуынша, ол анағұрлым көп жекпе-жек өткізгісі келеді. Альварестің мәселесі іспеттес проблемалар оның сирек жұдырықтасуына себеп болған.

"Менің боксқа деген қызығушылығым бәсеңдеп барады", - дейді GGG.

Головкин ештенеге қарамастан мойынсұнбайтын көрінеді. Ол боксқа деген ерекше махаббатын білдіріп, келесі жекпе-жектің жақын арада болуына үміттті екенін жеткізді.

Мақаланың түпнұсқасы: https://kaz.nur.kz/1726614-gennadij-golovkin-bokska-degen-kyzygusylygym-zogalyp-barady.html