Талай қыздың жүрегін ауыртқан түріктің ең сымбатты актерлері кімдер?

Түрік актерларының қыз біткеннің жүрегін жаулап алғаны жасырын емес. Танымал сериалдар арқылы көрерменін өзіне баурап алған түріктің ең сексуалды жігіттері жайлы NUR.KZ порталы хабарлайды.

Сымбатты серілер қатарында Бурак Өзчивит, Юсуф Чим, Өзжан Дениз бен Кенан Мырзаоғлы бар.

Қазір отандық телеарналар ұсынатын түрік сериалдарынан Бурак Өзчивитті байқаймыз. Ол Қазақстанға "Бозторғай", "Қара севда" сериалдары арқылы танылды. Былтырғы жылы Бурак Өзчивит өзінің әріптесі, актриса Фахрие Эвдженмен үйленді.

"Құлпынай иісі" сериалы арқылы көптеген арудың қол жетпес арманына айналған түрік жігіті Юсуф Чим әлі де бойдақ. 28 жастағы актер танымал киім брендтерін жарнамалаумен айналысады. Сондай-ақ әншілік қыры да бар. Ол "Құлпынай иісі" сериалындағы сүйгені Демет Өздемирмен өмірде де кездесіп, ұзамай арақатынастарын үзген болатын.

Өзжан Дениз түрік сериалдарының қазақ еліне танымал болған сәтінен бастап таныс. Жасы 40-тан асқан актер биылғы жылы түрік әншісі Фейза Денизге үйленді. Актер "Маусым түні" сериалы мен "Сен менің – үйімсің", "Су мен от" фильмдері арқылы жақсы таныс.

"Асау жүрек" фильмінің бас кейіпкері Кенан Имирзалиоглыны да көпшілік жақсы біледі. Сериалда сүйгеніне қолы жетпеген жігіттің өмірдегі ғашығы жайлы ешқандай ақпарат жоқ. Актер тек мансабы жайлы мәлімет береді. Кенан түрік еліндегі ең қымбат актерлердің бірі.