RU

Атақты миллиардер Машкевич енді шымкенттіктерді жылытатын болды

Атышулы миллиардерлер Александр Машкевич, Алиджан Ибрагимов және Патох Шодиевке тиесілі Eurasian Resources Group Шымкентті жылумен қамтамасыз ететін жалғыз кәсіпорын «Энергоорталық-3» АҚ-ның 94 пайыз акциясын сатып алды деп хабарлайды "Жас Алашқа" сілтеме жасаған NUR.KZ.

Машкеви
Машкевич: UGC

Бұл туралы аталған компанияның ресми сайтында мәлім болды.

ERG акцияларды «Южэнергопром» ЖШС-інен сатып алған. Екіарада қандай келісімнің болғандығы әзірге белгісіз.

«3 Энергоорталық» АҚ-ы 2000 жылы құрылған. Ол жылу және электр энергиясын өндірумен айналысады. Оның құрамындағы электр станциясы 1981 жылдан бері жұмыс істейді.

Мұнда жылына орта есеппен 700 миллион кВТ/сағат электр қуаты өндіріледі. Кәсіпорында 600-ден астам адам жұмыс істейді.

Айта кетейік, Eurasian Resources Group - пайдалы қазбаларды өндірумен айналысатын әлемдегі ірі компаниялардың бірі. Төрт құрлықта қызмет ететін компанияның 80 мыңнан астам жұмысшысы бар.

ERG-нің Қазақстанда түсті металл, электр энергиясын, көмір өндіретін және көлік саласында қызмет ететін бірнеше компаниясы бар.

Мақаланың түпнұсқасы: https://kaz.nur.kz/1728262-atakty-milliarder-maskevic-endi-symkenttikterdi-zylytatyn-boldy.html