RU

77 жастағы қария жасөспірім қызды зорлап, қалған өмірін түрмеде өткізетін болды

Үндістанның Джопхур қаласында сот 77 жастағы діни көшбасшы Асарама Бапуге өмір бойы бас бостандығынан айыру туралы үкім шықты. Ол 2013 жылы жасөспірім қызды зорлады деп айыпталуда. Бұл туралы Life.Ru сайтына сілтеме жасаған NUR.KZ порталы хабарлайды.

Фото: Life.ru
Фото: Life.ru: UGC

Қылмыскердің екі көмекшісі 20 жылдан түрмеге жабылатын болды. Ал Асараманың өзі өмір бйоына бас бостандығынан айырылса да, жасаған қылмысын мойындамай отыр.

Оны 2013 жылдың 1 қыркүйегінде Индаур қаласында құрықтаған. Сот алқасы ұсынған мәліметтерге сәйкес, қария өз сектасындағы азаматтың қызына зәбір көрсеткен. Ол үшін жасөспірімді "ішінен жынды қуып шығарамыз" деген сылтаумен үйіне шақырып алыпты.

Бапу өз еркімен сотқа қатысудан бас тартқан. Ал құқық қорғау органдарының қызметкерлері оны үйінен алып кеткен кезде, есігінің алдына жиналған халық оны қорғаштап, полицияға қарсылық көрсеткен.

Мақаланың түпнұсқасы: https://kaz.nur.kz/1728920-77-zastagy-karia-zasspirim-kyzdy-zorlap-kalgan-mirin-trmede-tkizetin-boldy.html