RU

Алматыда халыққа қызмет көрсету орталығында жігіт пен қыз төбелесіп қалды

Алматыдағы халыққа қызмет көрсету орталығында кезекке тұрған көпшілік арасында жанжал шығып, арты төбелеске ұласқан деп хабарлайды NUR.KZ.

Видеодан скриншот
Видеодан скриншот: UGC

Куәгерлер қоғамдық орындағы қолайсыз жағдайды видеоға түсіріп, редакцияға жолдаған. Бейнежазбада даудың ушыққан кезін байқауға болады. Ал оның нақты неден шыққаны әзірге белгісіз.

Сондай-ақ жас қыз өзінің қарсыласына балағат сөздер айтып, тіпті оған қол жұмсамақ болған. Бойжеткенге жауап ретінде ер азамат та жаман сөздер айтып жатыр.

Халыққа қызмет көрсету орталығының қызметкерлері берген мәліметтерге сүйенсек, видеодағы кеййіпкерлер көлігін сақтандыруға келген адамдар екен. Алайда нақты деректі кешірек хабарлайтын болды.

Ескерту! Видеода балағат сөздер қолданылған.

Мақаланың түпнұсқасы: https://kaz.nur.kz/1728941-almatyda-halykka-kyzmet-krsetu-ortalygynda-zigit-pen-kyz-tbelesip-kaldy.html