RU
Келбетті жігіттер неге "онша емес" қыздарды таңдайды?
Жаңалықтар Ханшайым

Келбетті жігіттер неге "онша емес" қыздарды таңдайды?

Рассказать Вконтакте

Көшеде қол ұстасқан екі жасты көргенде кейде бір-біріне сай еместей көрінеді. Бейтаныс жанды сырт келбетіне ғана қарап бағаланатынындай, "жігіті келбетті де, қызының түрі біртүрлі екен" деген секілді пікірлерді кездестіреміз. Қазіргі қыздардың арманына айналған қымбат көлігі мен стильді киімі бар жігіттердің де таңдауы өзге арулардардың көзіндегі "онша емес" қыздарға түсіп жатады. Мұның себебін психологтар түсіндіреді деп хабарлайды massaget.kz-ке сілтеме жасаған NUR.KZ.

Көрнекі фото: allWomens

Көрнекі фото: allWomens

Жігіттер сұлулықты басқаша қабылдайды. Ертедегі аңызда атақты шайыр: "Сол Шираздың сұлу қызын өмір бойы сүйер ем, Бір меңіне Самарқанд пен Бұхараны берер ем",– деп жырлағанда, ел басшысы "менің қалаларымды қызға беретіндей ол кім?" деп ақын мен қызды да сарайға алдырыпты. Сөйтсе, қара торы келген, қарапайым қыз екен, мұның қай жеріне қызыққан дегенде, ақын "Оған менің көзіммен қарау керек" деп жауап береді. Талғамға талас жоқ деген.

Өзіне бәсекелес болғанын қаламайды. Кей жігіттер ақылы, ақша табуы, тіпті сыртқы сұлулығы тұрғысынан да жарынан бір саты жоғары болуды қалайтын көрінеді.

Табиғи сұлулықты бағалайды. Бетіне әдемі арудың суретін салып алған қыздың табиғи түрін қашан көріп шошыр екенмін деген қорқынышпен өмір сүргенше, бояумен аса "жақын дос емес" қыздың өзіне тән сүйкімділігін жоғары бағалайды.

Жан сұлулығына мән береді. Жігіттер сыртқы келбетінің тартымдылығына ғана көп мән беретін қыздардың бойынан болашақ анаға тән қасиеттерді көре алмайды. Жары ретінде елестете алмағандықтан мұндай қыздар жай ғана бірге уақыт өткізіп, уақытша көңіл көтеру үшін қажет деп есептейді. Ал үйленер кезде сұлулықты екінші орынға қойып, жүрегіне ғашық болады.

Қызғану әсері. Алған жарын шектен тыс қызғанатын жігіттер іштей өзіне сенімсіз болады. Әрдайым біреу менен тартып алмас па екен деген күдікпен жүреді. Осы қорқынышты жеңілдету себебімен де өзгелердің көп көзі түспейтін қызды таңдауы ғажап емес екен.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
5
2
1
2
14
5
1
Спасибо за Ваше мнение Вы уже голосовали
Тағы да оқыңыздар
Пікір