RU
Атыраулық белсенді Талғат Аян түрмеден шықты
Жаңалықтар Қоғам

Атыраулық белсенді Талғат Аян түрмеден шықты

Рассказать Вконтакте

Атырауда 2016 жылғы сәуірде өткен "жер шеруіне" қатысқаннан кейін бес жылға сотталған жергілікті белсенді Талғат Аян 28 сәуірде түрмеден шықты. Бұл туралы Азаттыққа түрме қызметкерлерінің бірі хабарлады деп жазады NUR.KZ.

Талғат Аян. Фото: Азаттық

Талғат Аян. Фото: Азаттық

Талғат Аянның түрмеден шыққаны туралы қазақстандық құқық қорғаушы Бақытхан Төреғожина да Facebook парақшасында жазды.

Талғат Аян Ақтөбедегі К-168/2 колониясында қамауда отырған. 14 сәуірде Ақтөбе қалалық соты Талғат Аянның түрме жазасын бас бостандығын шектеу жазасына ауыстырған. Сот шешіміне прокурор қарсы болмаған.

Атыраудағы митингіден кейін көп ұзамай белсенділер Макс Боқаев пен Талғат Аян қамауға алынып, екеуінің үстінен Қылмыстық кодекстің бірнеше бабы бойынша іс қозғалды.

2016 жылғы қарашада Атырау қалалық №2 соты Боқаев пен Аянды "әлеуметтік араздық тудырды", "жалған ақпарат таратты" және "митинг өткізу заңдарын бұзды" деп танып, бес жылға бас бостандықтарынан айыруға үкім еткен.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
0
0
4
2
43
2
Спасибо за Ваше мнение Вы уже голосовали
Тағы да оқыңыздар
Пікір