RU

Мирзияев халықтың шынайы өмірін көрсету үшін министрлерді ауылда тұрғызбақ

Өзбекстан президенті Шавкат Мирзияев Ташкентте отырған министрлерді "халықтың күнделікті күнкөрісімен танысып, қиындықтарын көру үшін" ауыл-аймақтарға жіберетінін айтты деп хабарлайды Азаттыққа сілтеме жасаған NUR.KZ.

Фото: Радио Озодлик
Фото: Радио Озодлик: UGC

"Ташкентте тұрып жатқан 70 пайыз министр мен шенеунік енді провинцияларға барып тұрады. Олар Ташкентте қалмайды" деді 26 сәуірде өткен Үкімет отырысында.

"Теледидардан халықтың сусыз, газсыз, жарықсыз отырғанын көреміз. 32 миллион халықтың екі жарым миллионы Ташкентте тұрады. Қалған адамдар басқа аймақтарда өмір сүріп жатыр" деді президент.

Мирзияев ауылдарға қай министрлердің аттанатынын, олардың басқа аймақтарда қанша уақыт болатынын нақты айтпады. Тек "бұл мәселеге қатысты жақында президент жарлығы шығады" деді.

Мақаланың түпнұсқасы: https://kaz.nur.kz/1729452-mirziaev-halykty-synajy-mirin-krsetu-sin-ministrlerdi-auylda-trgyzbak.html