Қасиетті Рамазан айындағы пітір садақаның мөлшері бекітілді

Төралқа мүшелері 2018 жылдың Рамазан айында берілетін пітір садақа мөлшерін бекітті деп хабарлайды Sputnik Қазақстанға сілтеме жасаған NUR.KZ.

Сонымен, биылғы пітір садақа мөлшері 300 теңге болып бекітілді. Яғни пітір садақа көлемі былтырғы жылдан өскен жоқ.

Пітір садақаны бидайдан бөлек, құрманың, мейіздің, арпаның құнымен де беруге болады екен.

Оны бидаймен беретін адам әр жан үшін жарты сағ етіп есептейді. Жарты сағ дегеніміз 1 келі 625 граммға тең. Теңгемен есептегенде (әр аймақтың бидай бағасына қарай) 1 келі 625 граммның құнын беру керек. Ал құрма, мейіз, арпа бойынша бір сағтың (3,25 кг) құнын беру керек.

Айта кетейік, биыл Рамазан айы 16 мамырда басталып, 14 маусымдға дейін жалғасады. Маусымның 9-нан 10-на қараған түні — Қадір түні. Ораза айт 15 маусымда, ал Құрбан айт 21 тамызда басталады.