RU

БАҚ: Қазақстандық қыздар футболдан әлем чемпионатына cекс-қызмет көрсетуге аттанбақ

Қазақстандық "түнгі көбелектер" биыл жазда Ресейде өтетін футболдан әлем чемпионатына "ерекше" қызмет көрсету үшін аттанбақ. Астанадағы белгілі эскорт-агенттігінің мәлімдеуінше, әзірге елімізден бұл мақсатта 400-ге жуық бойжеткен аттанады екен. Бұл туралы esil.media-ға сілтеме жасаған NUR.KZ хабарлайды.

Басылымның мәліметінше, биыл Ресейде өтетін футбол додасына жалпы есеппен 500 мыңға жуық турист келеді деп күтіліп отыр екен. Ал біздің елден шетелдік туристер мен ресейліктерге секс-қызметін көрсету үшін, Алматы мен Астанадан 400-ге жуық жезөкше барады деп күтіліп отырған көрінеді.

Сонымен бірге, басылымның сөзіне сенсек, Ресейге Қазақстаннан бөлек Қытай, Пәкістан, Үндістан, Гонконг пен Венесуэла елдерінің "түнгі көбелектері" келмек.

Қазақстандық "сылқым бикештердің" дені – орыс және украин ұлтынан дейді басылым.

Мақаланың түпнұсқасы: https://kaz.nur.kz/1730468-bak-kazakstandyk-kyzdar-futboldan-lem-cempionatyna-ceks-kyzmet-krsetuge-attanbak.html