RU

Қайрат Нұртас аяғын басып кеткен ұлын балағаттап тастады

Отандық әнші демалып жатқанында аяғын басып кеткен баласын балағаттаймын деп ұятқа қалды. Абайсызда істеген әрекеті үшін ол Нарұлға боғауыз сөздер айтып жіберген. Жұлдызды отбасының демалысы кезіндегі сәтке әлеуметтік желідегі тікелей эфир кесірінен дүйім жүрт куә болды деп хабарлайды NUR.KZ.

Фото: instagram.com
Фото: instagram.com: UGC

Қайрат Нұртас кемеде демалып жатқан кезінде ыңғайсыз жағдайға тап болды. Әнші аяғын абайсызда басып кеткен ұлына боғауыз сөз айтып ашуланған.

Оқиға әншінің інісі Заңғар Instargam желісінде тікелей эфир жүргізіп отырғанда орын алған.

Әкесінің боғауыз сөздеріне Нарұлдың қайтарған жауабы желі қолданушыларын тәнті еткен. Балақай жұлдызды әкесіне "боқтама әке, жаман сөз айтуға болмайды" деп айтты.

Бұл оқиға оқырмандар арасында қызу талқыға ұласты. Бірі әншінің қылығын сынға алып жатса, басқалары Нарұлдың тәрбиелігіне сүйсінді.

Мақаланың түпнұсқасы: https://kaz.nur.kz/1730732-kajrat-nrtas-aagyn-basyp-ketken-lyn-balagattap-tastady.html