RU

Орал қаласында атыраулық суретшілердің көрмесі ұйымдастырылып отыр

Орал қаласында атыраулық суретшілердің көрмесі ұйымдастырылып отыр.

Көрменің ашылу рәсімі 14 қаңтарда облыстық қазақ драма театрында өткізілмек."...Төскейде малы, төсекте басы, Қосылған өлке өнері мәнді" атты көрмеге атыраулық 12 қылқалам шеберінің дүниелері қойылмақ.

"Ақжелкен" шығармашылық орталығының ұйымдастыруымен өтетін көрмеге Әділқайыр Жантасов, Қамбарбек Аманов, Есім Арыстанов сияқты белгілі суретшілермен қатар кейінгі буынның да түрлі бағыттағы картиналары ұсынылады.

Көрме 4 ақпанға дейін созылмақ.Бұған дейін батысқазақстандық суретшілер Қуандық Мәдір мен Бекжан Жұмабаевтың туындылары Атырауда таныстырылған еді.

Мұндай барыс-келіс болашақта да жалғасын таппақ. Атап айтқанда, "Ақжелкен" шығармашылық орталығы Батыс Қазақстан, Ақтөбе, Атырау, Маңғыстау және Қызылорда облысы суретшілерінің басын қосып, көрмелерін шетелге дейін шығаруды ұйымдастыруды көздеп отыр.

Мақаланың түпнұсқасы: https://kaz.nur.kz/173116-oral-kalasynda-atyraulyk-suretshilerdin-kormesi-yjymdastyrylyp-otyr.html