RU

Биыл "Қазақстан аруы" атанған атыраулық қыз Рамазанда жұртты қуантты (фото)

"Қазақстан аруы - 2018" атанған Әльфия Ерсайын жүлдеге алған 3 миллион теңгесінің бір бөлігін қайырымдылыққа жұмсады. Ол аз қамтылған 22 балаға сыйлық үлестіріп берген деп хабарлайды Ақжайық басылымына сілтеме жасаған NUR.KZ.

Фото: azh.kz
Фото: azh.kz: UGC

Бойжеткен Атырауда апатты деп танылып, жабылып қалған №37 Жұмабаев мектебінің оқушыларына көмек көрсеткен. Олар қазір өзге мектепте білім алуда.

Әльфия бір ай бұрын мектеп басшылығымен хабарласып, аз қамтылған оқушылардың қандай мұхтаждығы барын сұрап-біліпті.

Фото: azh.kz
Фото: azh.kz: UGC

"Әльфия бір ай бұрын мектеп басшылығына шығып, ораза айында осындай акция өткізгісі келетінін хабарлады. Бұдан кейін сынып жетекшілері көмекке мұқтаж отбасылардың ата-аналары арқылы қажетті заттарының тізімін жазып берді. Әльфияға "Әлем аруы" сайысында жеңіске жетуіне тілектеспіз", - деді №1 мектеп директоры Гүлжан Қожахметова.

Мақаланың түпнұсқасы: https://kaz.nur.kz/1732444-biyl-kazakstan-aruy-atangan-atyraulyk-kyz-ramazanda-zrtty-kuantty-foto.html