RU

10 жасар муай-тайшы ел қоржынына алтын жүлде түсірді

Қырғызстанның Бішкек қаласында муай-тайдан ауқымды жарыс өтті. Бұл додада Қазақстан намысын қорғаған Марат Мият алтын жүлдеге ие болды. Бұл жас балақайдың ел сыртында алған тұңғыш алтыны деп хабарлайды NUR.KZ.

10 жасар муай-тайшы ел қоржынына алтын жүлде түсірді
10 жасар муай-тайшы ел қоржынына алтын жүлде түсірді: UGC

Алматы облысының тумасы Марат Мияттың муай-тай спорт түрімен айналысқанына бар-жоғы екі жыл өткен. Алайда, уақыт аздығы қазақ баласының қайсарлығы мен бойына дарыған қабілетіне кедергі келтірмеген.

10 жасар муай-тайшы ел қоржынына алтын жүлде түсірді
10 жасар муай-тайшы ел қоржынына алтын жүлде түсірді: UGC

Қырғыз елінде өткен жарыста 10 жасар муай-тайшы бірінші орынды қанжылады. Бұл алтын жүлде Мият үшін аса ерекше болды. Өйткені, ол туған елінен тыс жерде алғаш рет алтын медаль тағып отыр.

Бұған дейін 10 жасар спортшы Түркияда күллі Қазақстан намысын қорғап, жүлделі екінші орынмен оралған болатын. Оның бапкерінің айтуынша, бұл жарыстар тек бастама ғана. Ол Мияттың болашағынан зор үміт күтетінін жеткізді.

Мақаланың түпнұсқасы: https://kaz.nur.kz/1733175-10-zasar-muaj-tajsy-el-korzynyna-altyn-zlde-tsirdi.html