RU

Ақмола облысында екі аптадан бері жоғалған студент табылмай жатыр

Ақмола облысындағы Щучинск тұрғыны, 16 жастағы қыз екі аптадан бері табылмай жатыр. Ол 9 мамырдан бері не сабағына, не үйіне бармаған деп хабарлайды Sputnik Қазақстанға сілтеме жасаған NUR.KZ порталы.

Көрнекі фото: dpchas.com
Көрнекі фото: dpchas.com: UGC

Бурабай аудандық ішкі істер бөліміне 2001 жылы туылған Карина Қаппасованың анасы келіп, қызын таба алмай жатқананын мәлім еткен. Әйелдің айтуынша, жоғалған ару туризм және қызмет колледжінің студенті.

Полиция қызметкерлері берген мәліметке сәйкес, Карина тұратын отбасының жағдайы жақсы әрі үйде одан басқа да балалар да бар екен. Ол үйден шығарда сөмексін алып кеткеніне қарап, туыстары оқуға жиналды деп ойлаған.

Қазір студентті іздеуге еріктілер де кіріскен.

Колледждегілер Каринаны Көкшетауға кетіп қалуы мүмкін деп отыр. Себебі осыған дейін де ол үйінен кетіп қалған жағдайлар орын алған көрінеді. Қыздың анасы 21 мамыр күні Карина әлеуметтік желіде көрінбей кеткен соң іздеуге кіріскен.

Мақаланың түпнұсқасы: https://kaz.nur.kz/1733417-akmola-oblysynda-eki-aptadan-beri-zogalgan-student-tabylmaj-zatyr.html