RU
Оқушылардың оразасын әдейі бұзған мектеп директоры дауға қалды
Жаңалықтар Әлемде

Оқушылардың оразасын әдейі бұзған мектеп директоры дауға қалды

Рассказать Вконтакте

Өзбекстандағы Наманган облысы Варзик қалашығында №19 арнайы мектеп директоры Низомжон Жураев қасиетті Рамазан айында оқушылардың оразасын мәжбүрлеп үзді деп айыпталды. Алайда, мектеп басшысы оны терістеп отыр деп хабарлайды Centralasian.org қызметіне сілтеме жасаған NUR.KZ.

Мектеп директоры

Фото: Centralasian.org

Жергілікті басылымдардың бірінің хабарлауынша, оқушылар таңертең тамақ жемегенін естіген мектеп директоры оларға оразаны үзуді бұйырған.

Дерек көзінің мәліметіне қарағанда, оқушылар директор талабына бағынбаған соң, сынып жетекшілері шамамен 60 оқушыны асханаға жинап алып, оларға су беру арқылы оразаны мәжбүрлеп үзгізген көрінеді.

Дегенмен орта мектеп директоры Низомжон Жураев бұл айыптауларды жоққа шығарды.

"Мұндай жағдай біздің мектепте болған жоқ. Біздің мектепте түнеп оқитын оқушылар таңертең ас ішуден бас тартқан. Олармен менің орынбасарым кездесіп, тамақ ішу керек екенін түсіндірген", - деді Низомжон Жураев.

Оның айтуынша, ағылшын тілі мен математиканы тереңдетіп оқытатын арнайы №19 мектептің жатақханасында ораза ұстауға жағдай жоқ.

"Біздің оқушылар кешкі сағат 10-да жатып, таңертең 6-да тұрады. Біздегі тәртіп осындай. Жатақханада ораза ұстауға жағдай жоқ. Ораза ұстап жүрген балалардың түрін көрсеңіз. Оларға түнде ешкім ыстық тамақ жасап бермейді ғой", – деді Низомжон Жураев.

Ол интернат жатақханасында тұратын оқушылардың денсаулығына мектеп басшылары жауапты екенін, сол себепті олардың әлсіз күйде сабаққа баруына жол берме алмайтынын айтты.

"Біз Рамазан айына қарсы емеспіз. Ата-аналары балаларының денсаулығына өздері жауап беретін болса, біз оқушылардың ораза ұстағанына қарсы болмаймыз", – деді мектеп директоры.
Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
2
0
3
3
3
2
1
Спасибо за Ваше мнение Вы уже голосовали
Тағы да оқыңыздар
Пікір