RU

Ауа-райы: Бүгін еліміздің басым бөлігінде жаңбыр жауады

Бүгін еліміздің басым бөлігінде жаңбыр жауып, найзағай, дауыл болады. Сондай-ақ жел күшейіп, шаңды дауыл күтіледі, бұршақ жаууы мүмкін. Бұл туралы РМК Қазгидрометке сілтеме жасаған NUR.KZ порталы хабарлайды.

Фото: kazhydromet.kz
Фото: kazhydromet.kz: UGC

Ақмола, Қостанай, Солтүстік Қазақстан, Павлодар облыстарында жел 15-20, кей жерлерде екпіні 23-28 м/с күшеюі күтіледі, дауыл, бұршақ болуы мүмкін.

Қостанай облысының кей жерлерінде тұман болады. Шығыс Қазақстан, Жамбыл, Маңғыстау, Батыс Қазақстан облыстарының, түнде Алматы облысының кей жерлерінде жел 15-23 м/с, Батыс Қазақстан облысында шаңды дауылмен күшеюі күтіледі.

Ақтөбе облысында жел 15-22 м/с күшейіп, дауыл болып, бұршақ жаууы мүмкін. Атырау облысының кей жерлерінде түнде, басым бөлігінде күндіз жел 15-22, екпіні 25 м/с күшеюі күтіледі.

Қызылорда, Қарағанды облыстарының кей жерлерінде жел 15-23 м/с күшейеді, дауыл болып, бұршақ жаууы мүмкін, Қызылорда облысында шаңды дауыл болады.

Мақаланың түпнұсқасы: https://kaz.nur.kz/1733860-aua-rajy-bgin-elimizdi-basym-bliginde-zabyr-zauady.html