RU

Таразда бес жасар қыз тірідей жанып кетті

Таразда өртеніп жатқан пәтердің ішінде бес жасар қыз қалып қойып, тірідей жанып кеткен. Бұл туралы КТК арнасына сілтеме жасаған NUR.KZ порталы хабарлайды.

КТК арнасынан скриншот
КТК арнасынан скриншот: UGC

Қаратау ықшамауданында бүлдіршін қызыл жалынның ішінен қашып шыға алмаған. Жалғызбасты анасы жұмысқа бару үшін марқұм болған сәбиді үйде 13 жастағы әпкесімен бірге қалдырған. Алайда анасы кеткен соң, ақылы кірген үлкен қызы кішкентайдың сыртынан жауып, жалғыз өзін отырғызып кеткен.

КТК арнасынан скриншот
КТК арнасынан скриншот: UGC

Әзірге оттың нақты неден және қалай тұтанғаны белгісіз. Оқыс оқиға туралы хабар көршілерден түскен. Шұғыл жеткен төтеншеліктер жалпы саны 44 адамды дереу қауіпсіз жерге көшіріп, жалынмен жарты сағат алысты. Оларға құлыптаулы есікті бұзып кіру қиындық тудырған.

Мақаланың түпнұсқасы: https://kaz.nur.kz/1733865-tarazda-bes-zasar-kyz-tiridej-zanyp-ketti.html