RU
Мешітке кірген адамға не істеуге болмайды?
Жаңалықтар Қоғам

Мешітке кірген адамға не істеуге болмайды?

Рассказать Вконтакте

Алланың үйі саналатын мешітке барғанда қыз-келіншектер оранып, ер азаматтар тазаланып бару керектігін жақсы біледі. Бұдан басқа да сауапты арттырып, иманымызды күшейтетін ережелер тізімін Azan.kz сайтына сілтеме жасаған NUR.KZ порталы назарға ұсынады.

Көрнекі фото: tabnakgilan.ir

Көрнекі фото: tabnakgilan.ir

Белгілі табиғин Саид ибн әл-Мусайаб, рахимахуЛлаһтың айтуынша, мешітте отырған адам, өзін Жаратушы Алланың жиынында отырмын деп санауы керек.

Ал имам Абу Абдулла Қуртуби, рахимахуЛлаһ, мешітке қатысты келесі әдептерді ерекше атап көрсетеді:

Мешітте не істеу керек?

  • Мешітке кірген адам мешітте отырғандарға сәлем беруі керек, (бұл тек адамдар Құран немесе намаз оқумен айналысып отырмаған кезде ғана орынды; егер адамдар аталған құлшылықтарды орындап жатқан болса, сәлем бермеген жөн).
  • Мешітке кірген кезде, ішінде ешкім жоқ болса, «Әссәләму ғәләйни уә ғәлә ғибәдиЛләһи с-солихин» деу керек.
  • Сонымен қатар, мешітті ластан, жас балалар мен есі дұрыс емес адамдардан сақтау керек (себебі олар мешіттің қасиеттілігін сезінбейді).
  • Алланы көп зікір ету керек.

Мешітте не істеуге болмайды?

  • Кез-келген бизнес іс-әрекеттерді жасауға (тіпті ұялы телефон арқылы болсын);
  • Қаруды жалақтатуға;
  • Жоғалған заттар туралы дауыстап жариялауға;
  • Дауыстап сөйлеуге, шулауға (ұялы телефон және басқа да құралдардың әуендері де осыған жатады);
  • Дүниелік мәселелерді талқылауға (ұялы телефон, СМС арқылы да);
  • Алдыңғы жаққа өту үшін отырған адамдарды орындарынан қозғауға;
  • Сапта орын жоқ болғанына қарамастан, сап арасына сығысып кіруге;
  • Намаз оқып тұрған адамның алдын кесіп өтуге;
  • Мешіт ішінде түкіріп, сіңбіруге;
  • Буындарын «шытырлатуға» (бұл пайдасыз әрекет айналадағылардың көңілін аударуы мүмкін);
  • Дене мүшелерімен ойнауға;

Осыдан соң, имам Құртуби рахимахуЛлаһ былай дейді:

«Мешіттің ережелерін сақтаған адам үшін мешіт - шайтанның арбауынан қалқан болып, қауіпсіздік орын болады».

Мешіттің қасиеттілігін сақтап қалу үшін, тыйым салынған амалдардың көп екенін ұмытпаған жөн.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
2
2
1
0
6
10
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel