RU

Бұрынғы қызын өлтіріп тастаған футболшы артынша өзіне қол жұмсаған

Италяидағы Прато қаласында қайғылы оқиға орын алды. "Туттокуойо» футбол клубының аяқдопшысы Федерико Дзини өзінің бұрынғы сүйіктісінің үйіне келіп, оны қарым-қатынасты қайта жандандыруға көндірмек болған. Алайда, бойжеткен өз келісімін бермегеннен кейін футболшы сүйіктісін өлтіріп тастап, артынан өзіне қол салған деп хабарлайды eurosport.ru сайтына сілтеме жасаған NUR.KZ.

Фото: eurosport.ru
Фото: eurosport.ru: UGC

Бұрынғы ғашықтар дәл Элизаның үйінің алдында ұрысып қалған. Болған оқиғаның бірнеше нұсқасы бар.

TodaySport.it айтуынша, Дзини көнбей қойған қызды көлікке күштеп тиеп, Сан-Миньятодағы спорттық орталыққа жете бергенде атып өлтірген. Артынан өзі де өмірмен қош айтысты.

Фото: eurosport.ru
Фото: eurosport.ru: UGC

Football Italia хабарлауынша, футболшы сүйіктісін үй алдында атып тастап, көлікке оның өлі денесін тиеген. Орталық алдына барып ол өзіне қол жұмсаған деседі.

Фото: eurosport.ru
Фото: eurosport.ru: UGC

27 мамыр күні Дзини 25 жасқа толатын еді. Өзінің жасына қарамастан ол италиялық клубтарда, Мальта, Филиппин, Болгария және Моңғолия чемпионаттарында ойнап көрді.

Оның бұрынғы қызы Элиза Амато 29-30 жас шамасында болған.

Мақаланың түпнұсқасы: https://kaz.nur.kz/1734019-bryngy-kyzyn-ltirip-tastagan-futbolsy-artynsa-zine-kol-zmsagan.html